撒嬌

打電話給爸爸撒嬌。坐在月台的椅子上, 旁邊是陌生的男子, 我問爸爸, 如果我唔撈, 你會不會不高興? 我知道他一定不會, 他總是說唔撈咪唔撈囉, 又唔係咩, 唔洗驚, 你有大個米飯班主響到。其實我都知道。
唔洗驚喎, 老豆支持你, 老豆支持你。他正在外和朋友晚飯, 小聲溫柔的跟我說, 沒說到一半我已一泡眼淚湧出來。好像是第一次聽他說老豆支持你, 他平常總是口硬, 掛線後才想他真是sweet到爆。第二天他打來follow up, 第一次我接不到電話, 幾小時後他再來電, 平時miss call了, 他多會很惡的問做咩唔接電話, 可這次沒有。就算平常他再固執難溝通, 可當我遇上什麼跟他撒嬌, 他必定是第一個伸出雙手攬著我, 告訴我不用怕的人。爸爸就是這樣。爸爸真好。