細路

我都好想被人偏愛，誰不想?!
睇到別人被偏愛就好羨慕心諗如果我都有就好喇d咁既衰野。

我呀被別人對得好一點(去旅行會買個小手信過你、彈個sms來話撐你呀等)就要暗暗感動流涕，周身唔自在，好似前世無比人錫過咁。

賤命。

多勞多得型者如我由細到大獨立雞群，被人依賴幫人出頭多。
家下大大下反彈喎，發覺原來都好需要別人對自己"好"。
開始唔係好敢咩都收埋收埋自己攪掂諗死佢就算，因為開始驚囉。
0個日喊哂口咁講左d野出來，姊話:都唔知你咩構造嫁，平時又好鬼大人家下又成個細路咁。
做左差唔多二十年人，叮一聲發覺原來我都可以細路。
真係想渣住支波板糖響街彈住咁講十次我係細路!