My Beloved

我最愛既三個女人
看到她們，就算再怎樣我都能釋懷了。
不論怎樣妳們都要幸福要快樂。
我最愛的妳們。

八王子

他緊張得在播出後致電來問我覺得如何，
這令我想起他每次出新書時的情況。
就如看到他雙眼堅定的發著光，
又如小孩般天真緊張。
看著他落實地一步一步向上走他的路不再如在跑步機上原地跑，
每每我就要替他高興鼓掌。

每逢星期六下午三時至五時
<<叱吒903 id club 陳占公演 >>
王貽興寫的--八王子
記得收聽

回憶總是美麗的。

你有自己一套

已經不只一次驚訝於旺角既茶餐廳，佢地永遠都有自己既一套，太吹脹。

客人：係咪有個芝士海鮮焗飯?
濃妝阿姐：菠蘿海鮮焗飯
客人：我唔要菠蘿，我要就咁一個海鮮焗飯丫唔該
濃妝阿姐：哦，菠蘿海鮮焗飯啦 (開始自顧自落單)
客人：我要海鮮焗飯唔要菠蘿呀
濃妝阿姐：羅宋忌廉
客人：羅宋
濃妝阿姐：飲咩
客人：陣間再叫
濃妝阿姐：唔得嫁喎，無得後上。

食緊途中:
伙計：好多人呀小姐，你坐過一個位丫。
然後伙計們極速自顧自合力將兩張四人"木台"合併。
成件事黎得太快，原本坐在四人"木台"最左手邊的我經過一輪合併移動後，頓時我的右邊和對面是一家五口，左邊是一對朋友，我夾在兩孖人中間，完全係樂也融融，感覺實在太溫馨!
然後那邊廂一對情侶極之迫夾地坐在一邊卡位，男人的屁股凌空半邊，剛好一張卡位"木台"空了。
男人問：我想轉一轉0個張"木台"呀，我太多野實在太迫。
伙計：唔得呀! ( 然後一個轉身繼續做野，無事發生!)

啤...........

不應該

覆診，再抽血。
對於這個舉動，開始有種無理的厭惡。
我知道自己不應該這樣。

去看了Closer。之後獨個兒由油麻地踱到旺角。想找誰又不想找誰。
想找個靜一點的地方食飯，踱幾個圈都想不到，最後神推鬼x入了茶餐廳。

認同

2004年度評論學會大獎最佳編劇《A1 頭條》。
舅父好野! >0<

生活實在有太多的人和事要處理
我希望能盡量用愛去作基礎
用我最大的能量去包容和愛

A little wish of mine

我較喜歡朋友們沒事都會找我，諸如逛書店飲酒閒聊雲遊唱k搵野食，或不需要特定要搵樣野攪下，可能只是坐著聽著歌無聊抽箊我就已經可以好快樂。
一個電話打來說句:喂，出黎囉?!
我:哦。好呀。
這是我所渴望的關係。

細路

我都好想被人偏愛，誰不想?!
睇到別人被偏愛就好羨慕心諗如果我都有就好喇d咁既衰野。

我呀被別人對得好一點(去旅行會買個小手信過你、彈個sms來話撐你呀等)就要暗暗感動流涕，周身唔自在，好似前世無比人錫過咁。

賤命。

多勞多得型者如我由細到大獨立雞群，被人依賴幫人出頭多。
家下大大下反彈喎，發覺原來都好需要別人對自己"好"。
開始唔係好敢咩都收埋收埋自己攪掂諗死佢就算，因為開始驚囉。
0個日喊哂口咁講左d野出來，姊話:都唔知你咩構造嫁，平時又好鬼大人家下又成個細路咁。
做左差唔多二十年人，叮一聲發覺原來我都可以細路。
真係想渣住支波板糖響街彈住咁講十次我係細路!

老套

[1] 開始感到自己會得救。
.....因為我願意向人*透露，放下撐了很久的堅強，說著說著就流了淚。
[2] 承認我需要朋友很多很多的愛和關注，縱然永不願人擔心。
[3] 知道愛我的朋友其實都很包容我。
[4] 說了十遍很煩都要說: 我很珍視你們
[5] 我係老套肉麻人，其實。


*或許對著姊我才有這樣的勇氣

催眠

這是第二次被催眠。
比上次進入了深一點的潛意識。
我看到童年的自己。
童年的我送了一個氣球給現在的我，
因為希望現在的我會開心多一點。
睜開眼，
面頰濕了。
原來，
我流淚。

籌款

未能親身出力幫忙，都出錢幫助吧。
他們都極度需要我們我幫助。
只要想像一下如果自己或身邊的人是受害者，就會明白。
馬會至到1月3日都會於轄下場外投注站及會所設捐款箱，
市民及馬會員工每捐1元，馬會亦會捐1元。
善款加倍，希望大家都能付出一點。